ኢየሱስ ብቻዉን ያድናል

አኬ ሐዋርያዊ መልሶች - Apostolic Answers ከተወሰኑ ጊዜዎች ወደዚህ በማህበራዊ ሚዲያ ከማያቸው የኢትዮጵያ ኦርቶዶክስ ተዋህዶ ቤተክርስቲያን ልጆች መካከል አሰባበኩ ለየት ያለብኝ የምወደው ልጅ ነው። ምንም እንኳን ሁሉን የሚለውን ጉዳይ ባልስማማበትም ወጣቶች ከገድላት ይልቅ በመጽሐፍ ቅዱስ እና በኢየሱስ ላይ እንዲያተኩሩ የሚከፍለው ዋጋ የሚደነቅ ነው። የእኔ ትልቁ ደስታ ሰው ከኦርቶዶክስ ወደ ጴንጤ ወይም ከጴንጤ ወደ ኦርቶዶክስ መምጣቱ ሳይሆን ህያው ከሆነው ኢየሱስ ጋር ሲገናኝ ፤ ከጨለማ ወደ ሚደነቅ ብርሃን ሲመጣ ነው።

ሰሞኑን ይህ ልጅ በገዛ ወገኖቹ በተለይም መምህራን፣ ቀሳውስት፣ ወዘተ በሚባሉ ወገኖች "መናፍቅ ነው" በሚል እየተፈረጀና መገፋት እየደረሰበት እንዳለ ተገንዝቤአለሁ። በእኔ እምነት ይህ ባይሆን እና ልጁ የጀመረው ነገር ላይ ቀርቦ ማወያየት ተገቢ ይመስለኛል። ትውልዱ በወንጌል ላይ ፣ በኢየሱስ ላይ እንዲያተኩር ስራውን ይቀጥል።

ከዚያ ውጪ የኢትዮጵያ ቤተክርስቲያን ብቸኛዋ የመዳን መንገድ፣ እግዚአብሔርንም የኢትዮጵያን አምላክ ተደርጎ መውሰድ ኢየሱስ ለዓለም ሁሉ የከፈለውን የመቤዠት ስራ እጅጉን ማሳነስ ስለሆነ ወጣቱ ከዚህ ጠባብነት ወጥቶ ኢየሱስን ብቻ ቢሰብክ ደስተኛ ነኝ።

አኬ እግዚአብሔር ይርዳህ፤ አይዞህ። እንወድሃለን !!

ይህንን ልጅ የምታውቁትና የምትወዱት አስተያየታችሁን ከታች ማስቀመጥ ትችላላችሁ። ተባረኩ!!